STAA wa muziki wa Bongo fleva, Naseeb Abdul ‘Diamond Platinumz’, amesema video zake za ‘Mdogo mdogo’ na ‘ Bum bum’ zimegharimu dola 78,000; zaidi ya shilingi milioni 132 za Tanzania.
Video hizo ambazo amezisambaza katika vituo mbalimbali vya televisheni, amezifanyia nchini Marekani na Nigeria chini ya mtayarishaji mahiri duniani, Godfather.
Kwa mujibu wa Diamond, haikuwa rahisi hadi kufanikisha kazi hizo ambazo anaamini zitaliteka soko la Afrika.
Alisema wote ambao walionekana katika video hizo walilipwa na mtayarishaji huyo kwa jinsi walivyokubaliana.
Katika hatua nyingine, msanii huyo juzi alimzawadia mama yake gari aina ya Toyota Harrier Lexus, kama zawadi yake ya siku ya kuzaliwa.
chanzo:tanzania daima
No comments:
Post a Comment