Mkubwa Fella kung’atuka masuala ya muziki

MENEJA wa Kundi la Temeke Wanaume Family, Said Fella ‘Mkubwa Fella’ amesema wakati wake wa kujihusisha na masuala ya muziki anaona umefika mwisho, hivyo anataka kutoa nafasi kwa wengine.

Akizungumza jijini Dar es Salaam juzi, Mkubwa Fella alisema kila mtu ni mwenye umuhimu wake, hivyo akiwa miongoni mwa waanzilishi wa muziki wa kizazi kipya, anaamua kung’atuka.

“Mimi ndio meneja wa kwanza Tanzania, lakini mpaka leo nipo vizuri, unaona Babu Tale anadumu kwa sababu anaamua kusafiri nami, nitaka kustaafua nikimkaribisha Bubu Tale aendeleze jahazi,” alisema.

Aidha, Fella alisema katika kituo chake cha kukuzia vipaji anawatoto zaidi ya 49 kutoka mikoani akiwafundisha muziki katika kituo chake cha Temeke, jijini Dar es Salaama kitaendelea kuwepo.

Juu ya madai kuwa amekuwa akiwatumia watoto hao bila maslahi kwao, Fella alisema huo ni uzushi kwani yeye ni mtu mzima anayejua anachokifanya, hawezi kufanya hivyo isipokuwa kuwajengea msingi bora wa baadaye kimuziki.

“Hawa watoto nimewatoa katika mikoa mbalimbali, wamekuja kutafuata maisha siwezi kufanya hivyo wengi wamekuwa wakilalamika lakini mimi najua ninachokifanya,” alisema.

chanzo:tanzania daima