BAADA YA SINTA NA JUMA NATURE SASA NI FLORA MVUNGI NA H.BABA!!!

MWIGIZAJI Flora Mvungi amesema wakati filamu yake ya ‘Bado Nipo Hai’ ikiendelea kufanya vizuri sokoni, hivi karibuni anatarajia kuachia filamu mpya itakayokwenda kwa jina la ‘Mama wa Kambo’.

Filamu hiyo imetengenezwa na Kampuni ya Double H na matukio yake kuchukuliwa jijini Mwanza.

Mbali na wasanii wengine, pia yumo mwanamuziki H Baba, ambaye alishawahi kuwa mpenzi wa Flora kabla ya kumwagana naye hivi karibuni.

SINTAH alitangaza kwamba mwanzo mwa machi mwaka huu, wanaanza kushoot movie na mpenzi wake wa zamani msanii JUMA NATURE, movie ambayo itazungumzia maisha yao ya kimapenzi kabla ya kuachana zaidi ya miaka 10 iliyopita, inaitwa ‘SITAKI DEM” jina ambalo ni la track ya Nature aliitoa wakati alipoachana na SINTAH.