NASSARI ATAKA VIJANA WAACHE KUNYWA VILOBA!!

MBUNGE wa Arumeru Mashariki, Joshua Nassari (Chadema), amewasihi vijana, kujifunza uwajibikaji na kuachana na starehe zisizo za msingi hususani unywaji wa pombe ya kupindukia aina ya “viroba”. 

Nassari alisema unywaji huo wa pombe kupindukia, hautawasaidia kwa sasa katika karne hii, bali kwani vijana wanapaswa kuwa na maono yenye tija katika kujiletea maendeleo wenyewe na kuondoa dhana tegemezi. 

Nassari aliyasema jana katika hafla ya uzinduzi wa kituo cha watoto yatima cha African Orphanage kilichopo Sakila, ambao ulienda sanjari na sherehe za kumuaga mwinjilisti mkuu na mwasisi wa makanisa ya Pentekoste wilayani Arumeru, Askofu Nickson Issangya anayeenda kuhubiri Injili nje ya nchi Afrika na barani Ulaya. 

Aidha, alisisitiza kwa wananchi katika jimbo hilo kushikamana kwa pamoja na kusahau itikadi zao za kisiasa kwani muda wa kampeni umemalizika na mbunge amepatikana. 

ENDELEA KUSOMA HAPA:http://www.habarileo.co.tz/kitaifa/?n=30150