Mashabiki wa Diamond Platinum wajiandae na lebo ya Wasafi

MKALI wa muziki wa kizazi kipya nchini, Naseeb Abdul ‘Diamond Platinum’, amesema yupo katika mikakati ya kutengeneza tisheti zenye lebo ya Wasafi kwa ajili ya mashabiki wake.

Akizungumza jijini Dar es Salaam jana, Diamond alisema kutokana na upendo wake kwa mashabiki, ameamua kufanya hivyo ili kutangaza jina lake katika mataifa mbalimbali.

Alisema kwa sasa anaanzia katika matisheti baada ya hapo atahamia katika vitu mbalimbali ambavyo anaamini vitakuwa na faida kwake na mashabiki wake.

“Kwa sasa wapenzi wangu wanatengeneza matisheti ambayo naamini yatakuwa na mvuto kwa wadau wangu pamoja na jamii nzima inayonizunguka, hivyo naomba sapoti kwao,” alisema Diamond ambaye kwa sasa anatamba na kibao chake cha ‘My Number One’.

Diamond ni miongoni mwa wasanii ambao wanafanya vizuri katika tasnia ya muziki wa kizazi kipya kutokana na uwezo wake wa kutunga mashairi na kuliteka soko la muziki huo.

chanzo:tz daima